شوفو ذكائنا نحنا البنات

الســـلام عليكم ورحمة الله وبركاتهـ
إشحالكم.. شخباركم وعلومكم
إنشـــاء الله تمااام.....؟؟!

المهم..أنا قريت قصة عن ذكائنا نحن البنات
وعيبتني وقلت خل انقلها لكم
وانشاء اللهـ تعيبكم.......

سأل الملك الشعب .. سؤال وقال اللي يجاوب عليه صح ..!!

راح اعطيه فلووس وكل شي يباه


والسؤال هو


شو اكثر شي و شو اكبر شي ..؟؟؟؟


راح الخادم .. على بيته وقاعد يفكر ..

جته بنته .. وقالت : شو فيك ؟؟

قام قالها : الملك اليوم سأل الشعب سوال وقال اللي يجاوب عليه ..
راح يعطيه فلوس وكل اللي يباه وانا مب عارف الإجابة..

البنت : شو هو السؤال ..؟؟

الخادم : شو اكثر شي وشو اكبر شي ..؟؟

البنت : روح عند الملك وقله اكبر شي ارضك واكثر شي مالك ..

راح الخادم عند الملك وقاله : ياملك انا لقيت اجابة لسؤالك ..

قال الملك : تفضل ..

الخادم : اكثر شي مالك وا أكبر شي ارضك ..

الملك : منو قلك الإجابة ..؟؟؟

الخادم : بنتي ..

الملك : طيب روح قلها ..

لابسة ومب لابسة..

ماشية ومب ماشية ..

هدية ولا مب هدية ؟؟؟

الخادم راح عند بنته وقالها .. : الملك يقولك
لابسة ومب لابسة..

ماشية ومب ماشية ..

هدية ولا مب هدية ؟؟؟


البنت : طيب روح ييب لي شبكة .. وغنمة .. ولحمة ..

استغرب الأب الخادم من الطلبات بس راح وياابها ..

لبست البنت الشبكة وركبت الغنمة .. ومسكة اللحمة وراحت ودخلت عند الملك ..

وقالت : ياملك .. انا لابسة شبكة ومب لابسة ..

وماشية بس مب على رجولي على غنمة..

وهذي لحمة انت تعتبرها هدية ولا مب هدية..


الملك .. اعجب بذكاء البنت وقالها تتزوجيني؟؟

اتزوجت بنت الخادم الملك .. وعاشو في سبات ونبات .. وخلفوا صبيان وبنات


المهم ....


بعد سنين .. كان في خادم من الخدم اعطاه الملك حصان هدية ..

وفي يوم نام الخادم ونسي انه يأكل الحصان قام هاج الحصان ..

فجاه الملك وطرد الخادم وقاله هات الحصان ورووح..

راح الخادم وهو زعلااان ..

المهم شافته الملكة .. وقالتله شو فيك ..

قالها: الملك طردني واخذ مني الحصان..

قامت قالتله: خذ صنارة واقعد اصطاد بالحديقة على العشب

ولو جاك الملك وقالك شو تسوي قله اذا انت مارزقتني يمكن ربي يرزقني..

سوا الخادم نفس ماقالتله الملكة ..

جاه الملك .. وقاله شو قاعد تسوي..؟؟

الخادم : اذا انت مارزقتني يمكن ربي يرزقني..

قام الملك قاله : مين قلك تقول كذا.

الخادم : الملكة..

عصب الملك .. وطفش من ذكاء البنت ..

وراحل الملك.. وقالها : شوفي يابنت الناس .. لمي اغراضك .. ورحي على بيت اهلك .. بس قبل ماتروحي .. سويلي شاي .. وخذي اغلى شي عندك


المهم .. قامت البنت سوتله شاي وحطتله فيه



منوم



المهم صحي الملك .. ولقى نفسه في بيت الخادم ( ابوالبنت )


قام قال :: شو اللي يابني هني ..!!!!!


البنت : مب انت قلت لي روحي بيت اهلك وخذي اغلى شي عندك..!!


وانت اغلى شي عندي
وسلامتكم